La "redenzion" de Trieste come no i ve la ga mai contada...

Oggi xe el giorno de la vergogna. Uno dei tanti, ma el più famoso. I alleati neutrali, gaveva firmà un patto col nemico el giorno 26 aprile. Appena el giorno 5 maggio i se gaveva cancellà dall'alleanza. Traditori, senza nissun dubbio, senza nissun specio dove rampigarse. I trattava col nemico zà dall'estate del 1914, e i se scriveva de "fingere interesse nelle trattative con l'Austria". Che ghe gaveva offerto più de quel che i voleva fin al gennaio del 1915 (Trento), pur de esser lassadi in pase. Tra le varie robe, iera Trieste città aperta (se parlava de una specie de TLT ancora prima de la 1° guerra), e riciamàr dal fronte tutti i nostri nonni. In aprile la "trattativa" comprendeva Trento, el Friùl austriaco meno Gorizia. I traditori voleva de più, francesi inglesi e russi, ghe gaveva promesso robe che no iera sue. Le nostre terre, le nostre anime. I ne gaverìa cambià la memoria, fatto el lavaggio del zervel, i ne gaveria cambià i cognomi e insegnà a odiàr le nostre radici, i nostri cugini e rider dei nostri nonni. Da la conoscenza de almeno 3 lingue, fussimo passàdi ad una sola, a furia de botte in testa e s'ciafe ai fioi che no parlàva italiàn per strada. I ne gaveria portà miseria, ignoranza e cattiveria. Oltre alla malavita e alla corruziòn, ultimamente el bunga bunga.

Novembre 1918: coprifuoco e legge marziàl. I militari che torna dalla guerra vien portài nel campo de Gradisca, in Castel, i vien ciamadi traditori e a volte pestadi. Per strada, i ghe spùda.

Dicembre 1918: i dipendenti del Comùn con cognome sospetto, i xe ancora senza paga.

Gennaio: la spagnola imperversa. Le gru del porto sud xe stade zà smontade, destinaziòn Venezia. El porto Nord no vignerà mai più dragà.

Febbraio: i ga za brusà tutto el carbòn dei gasometri per le sue luminarie, la gente no ga gas a casa. Lori nianche saveva che el gas rivava nelle case.

Marzo: la città xe senza acqua, i aquedotti xe rotti e nissun li ripara. Sbarca le navi de coloni, i devi sostituìr i nostri licenziài. Impiegati de la posta, ferrovieri, finanzieri, doganieri, carabinieri, solito. I giornalisti esteri scrivi che la città xe senza lavòr, che se perseuguita i operai con cognome slovèn, che el porto xe fermo, che se aggira per la città delle masse de disperài come barboni, senza magnàr e co' le scapre ligade col spago.

Giugno: sembra che la camera de commercio e i sindacati gabbi domandà l'indipendenza. Ormài, quasi tutti i triestini de lingua madre tedesca, insieme con quei che se gaveva distinto in guerra, i xe za scampai in Austria. Comincia l'esodo de altri, che se i ga parenti oltre confìn i va nel Regno de Yugoslavia. Alla fine sarà andài via 12-13 mila in Austria e i altri 40 mila in Yugo e in Argentina.

La tragedia continua, l'Italia xe solo occupante insieme con inglesi, francesi e americani, no come che i la conta, che Trieste sarìa "tornada" all'Italia el 4 novembre. No xe vero un clinz, i alleati anderà via più tardi e i 'taliàni gaverà la sovranità de Trieste solo nel febbraio del 1920 o come scritto sul Tribunal, nel 1924. Tutto quel che i ga fatto prima, xe illegale anche formalmente.

Settembre 1920: esplodi per fame e disoccupaziòn, la rivolta de San Giacomo. In città iera za i arditi che tirava bombe e brusava i circoli socialisti, Giunta spacciava cocaina in Acquedotto. El fascismo xe nato a Trieste. Naturalmente, tutti cabibbi meno 3-4 triestini ex irredentisti bandierette, che xe la vergogna de la città ma un de lori ga addirittura una scola e un'altro un ricreatorio in sua memoria.

Dopo 4 giorni de rivolta, ghe pensa la Brigata Sassari demolindo le barricate de San Giacomo a cannonade, un per de colpi finissi anche su le case. Una decina de morti ufficiali.

La tragedia continua...